Молитва святому мученику Трифону

О, святый мучениче Христов Трифоне, скорый помощниче всем, к тебе прибегающим и молящимся пред святым твоим образом скоропослушный предстателю! Услыши убо ныне и на всякий час моление нас, недостойных рабов твоих, почитающих святую память твою.
Ты убо, угодниче Христов, сам обещался еси прежде исхода твоего от жития сего тленнаго молитися за ны ко Господу и испросил еси у Него дар сей: аще кто в коей-либо нужде и печали своей призывати начнет святое имя твое, той да избавлен будет от всякаго прилога злаго.
И якоже ты иногда дщерь цареву в Риме граде от диавола мучиму исцелил еси, сице и нас от лютых его козней сохрани во вся дни живота нашего, наипаче же в день страшный последняго нашего, издыхания предстательствуй о нас, егда темнии зраки лукавых бесов окружати и устрашати нас начнут.
Буди нам тогда помощник и скорый прогонитель лукавых бесов, и к Царствию Небесному предводитель, идеже ты ныне предстоиши с ликом святых у Престола Божия, моли Господа, да сподобит и нас причастниками быти присносущнаго веселия и радости, да с тобою купно удостоимся славити Отца и Сына и Святаго Утешителя Духа во веки. Аминь.

Молитва святому мученику Трифону

О, святый мучениче Христовъ Трифонѣ, скорый помощниче всѣмъ, къ тебѣ прибѣгающимъ и молящимся предъ святымъ твоимъ образомъ скоропослушный предстателю! Услыши убо нынѣ и на всякій часъ моленіе насъ, недостойныхъ рабовъ твоихъ, почитающихъ святую память твою.
Ты убо, угодниче Христовъ, самъ обѣщался еси прежде исхода твоего отъ житія сего тлѣннаго молитися за ны ко Господу и испросилъ еси у Него даръ сѣй: аще кто въ коей-либо нуждѣ и печали своей призывати начнетъ святое имя твое, той да избавленъ будетъ отъ всякаго прилога злаго.
И якоже ты иногда дщерь цареву въ Римѣ градѣ отъ діавола мучиму исцѣлилъ еси, сице и насъ отъ лютыхъ его козней сохрани во вся дни живота нашего, наипаче же въ день страшный послѣдняго нашего, издыханія предстательствуй о насъ, егда темніи зраки лукавыхъ бѣсовъ окружати и устрашати насъ начнутъ.
Буди намъ тогда помощникъ и скорый прогонитель лукавыхъ бѣсовъ, и къ Царствію Небесному предводитель, идеже ты нынѣ предстоиши съ ликомъ святыхъ у Престола Божія, моли Господа, да сподобитъ и насъ причастниками быти присносущнаго веселія и радости, да съ тобою купно удостоимся славити Отца и Сына и Святаго Утѣшителя Духа во веки. Аминь.